Damian Crowley
Ymarferydd clinigol
Dw i mewn ar gyfer y gwaith tîm amlddisgyblaethol.
Mae fy rôl fel ymarferydd clinigol yn cynnwys gwaith brysbennu dros y ffôn i bennu a oes angen apwyntiad ar y claf; oes brys i gael apwyntiad; ac a ddylid ei atgyfeirio at yr adran ddamweiniau ac achosion brys. Os bydd y claf yn dod i’r adran Gofal Sylfaenol Brys, byddaf yn ei asesu, yn rhoi diagnosis a’i drin, neu ei atgyfeirio at ei feddyg teulu.
Roeddwn i’n gweithio yn y GIG fel nyrs ym maes gofal eilaidd yn flaenorol, ond dechreuais weithio ym maes gofal sylfaenol brys gan ei fod yn cyd-fynd â gofalu am fy mhlant. Er fy mod yn parhau i weithio ym maes Gofal Sylfaenol Brys am y rheswm hwn, rwy’n ei fwynhau gan fy mod yn gweithio’n agos â thîm amlddisgyblaethol o feddygon teulu, uwch-barafeddygon, nyrsys uwch a gweithwyr gofal cymdeithasol iechyd, na fyddai’n gweithio gyda’i gilydd fel arfer.
I unrhyw un sy’n ystyried gweithio ym maes Gofal Sylfaenol Brys, dewch i ymuno â ni! Mae’r tîm yn ardderchog ac mae gennym amgylchedd gwych ar gyfer dysgu. Cewch lawer o gyfleoedd i ddatblygu eich sgiliau a gweithio mewn rolau amrywiol.
